Opning av BUA Stranda

BUA står for barn, unge, aktivitet og utstyrssentralen tilbyr gratis utlån av sport- og fritidsutstyr til eit variert utval aktivitetar.

I fleire veker har Stranda frivilligsentral jobba for å sette i stand BUA. Lokalet som ligg vegg i vegg med frivilligsentralen har blitt fylt med nytt utstyr frå Intersport Stranda og måla i BUA sin fargerike profil.

Ordførar Jan Ove Tryggestad stod for den formelle opninga, medan Ragnhild Stadheim v/frivilligsentralen fortalte om låneordninga.

BUA Stranda er eit tiltak for å auke fysisk aktivitet, sosial inkludering og aktivitetsglede i kommunen vår. Ein kan låne utstyr til det ein likar eller utfordre seg med aktivitetar ein aldri har prøvd før. 

For å låne utstyr opprettar ein ein låneprofil på BUA.no og så kan ein gå inn på BUA Stranda og sjå kva utstyr som er tilgjengelig. Ein kan låne alt i 1 veke og ein vil kunne sjå i ein kalender når ein bestiller når det skal leverast samt få ei påminning. 

Der er også reservasjonsmulighet som vil seie at om du feks bor i Geiranger eller på Hellesylt kan du reservere det utstyret du ønskjer. Utstyr kan reserverast 14 dager før og så seint som 2 dager før du treng det.

Er du under 18 år kan du leggast inn som medlåntaker av føresette. Ein må ha eige telefonnummer og e-post, men en har då muligheit til å låne sjølv.

BUA Stranda har ope måndag og torsdag frå kl. 15:00-17:30 og er lokalisert på BYRG, 2.etasje ved Stranda frivilligsentral. 

Velkomen innom!