-
Møte om oppstart av Naturmøteplassen
Tysdag 09.april inviterer Stranda Frivilligsentral og Sunnmøre Friluftsråd til eit ope møte om oppstart av Naturmøteplassen på Stranda.
Ein festkveld for Stranda frivilligsentral
Laurdag 12.november inviterte Stranda Frivilligsentral til 30 år jubileumsfeiring i Storfjord Kulturhus. Ein nærmast fullsatt sal fekk både variert program, bugnande koldtbord og god stemning denne laurdagskvelden.Song, musikk og humor
Programleiar for kvelden, Bibbi Kjølås, leia publikum gjennom både song, musikk og humorinnslag frå scena. Det var varierte programinnslag av høg kvalitet og noko for en kvar smak.
Frivillighetsprisen 2022
Årets Frivillighetspris 2022 gjekk til Knut Dag Langeland for all frivillig innsats han har lagt ned, både retta mot born og unge innan fotball og skiskyting. Han har også vore aktiv i ungdomslaget sine teaterframsyningar på Hellesylt, og ein "ja-mann" om noko skal gjerast i bygda.
Knut Dag mottok eit bilete av Norunn Mølsæter frå Geiranger, saman med ein diplom og ein blomsterbukett.
Bugnande Strandabord
Midt i programmet var det tid for ein matbit og to gode hjelparar hadde satt opp eit stort Strandabord gjestane fekk forsyne seg frå. Matbedriftene i kommunen sørga for at ingen gjekk svoltne heim. Her var det mykje variert sjømat, spekemat, varm mat, eggerøre, potetsalat, brød og til dessert til slutt to store marsipankaker.
Tusen takk!
Stranda Frivilligsentral ønskjer å rette ein stor takk til alle sponsorar, gjester og publikum. Det var ein jubileumsfest vi seint vil gløyme.
Kveldens sponsorar var:
Norsk Sjømat, Platina Seafood, Ole Ringdal AS, Orkla, Kiwi Stranda, Coop Marked Hellesylt, Stranda Spekemat/Tind, Gardskjøkkenet, Skarbø Gard, HT Bygg Hellesylt, Stranda Bakeri, Slettvoll Møbler, Geiranger Bakeri, Stranda kommune og Sparebanken Møre, avd. Stranda.
Del på:
-
Årsmelding for Stranda frivilligsentral 2023
2023 var nok eit år med mykje god aktivitet i Stranda frivilligsentral. Om du er interessert i arbeidet vårt og det vi jobbar med i Stranda kommune, er du hjartleg velkomen til å lese årsmeldinga til Stranda frivilligsentral for 2023.
-
Første frivillig forum i regi av frivilligsentralen
Omlag 50 personar frå 25 organisasjonar deltok på det første Frivillig forumet i regi av Stranda frivilligsentral.
-
GOD JUL!
Frivilligsentralen tek juleferie frå fredag 22.desember til onsdag 3.januar. Ønskjer dykk alle ei riktig god jul og eit godt nytt år!
-
83 gongar rundt jorda i årets Stikk UT!
I sommarens Stikk UT! har 40 000 deltakarar registrert nær 1 million turar. Dei har tilbakelagt 3,3 million km på dei ulike turane, noko som tilsvarar 83 gongar rundt jorda. Og når Stikk UT!-deltakarane i tillegg har lagt bak seg 78 000 høgdekilometer, tilsvarer det nesten 9 000 gongar opp Mount Everest.