-
Møte om oppstart av Naturmøteplassen
Tysdag 09.april inviterer Stranda Frivilligsentral og Sunnmøre Friluftsråd til eit ope møte om oppstart av Naturmøteplassen på Stranda.
Konsertar på alle institusjonane i Stranda
I veke 37 blei Festspela i Geiranger arrangert og i samband med dette blei det gjennomført fem konsertar med midlar frå den Kulturelle Spaserstokk.Tusen takk til Festspela i Geiranger for samarbeidet og hjelpa med å organisere fem flotte konsertar på omsorgsbustadane i Stranda kommune.
Kviven Duo hadde ein tettpakka dag torsdag 14.september med tre konsertar. Først ut var Liabygda på formiddagen og damene i Kviven Duo imponerte stort på felene med flotte tonar og historier til. Det vart både gjesteopptreden av Thea Marie Ytterdal som var heimom og henta fela, og servering av eplekake med krem og kaffi i etterkant saman med bebuarar og heimeboande. På Stranda same ettermiddag spela dei først på Solbakken og til slutt på Sjukestova til eit godt oppmøte. Her måtte det ekstra nummer til for å gjere stas på ein av husets bebuarar som hadde bursdag og fylte 95år!
Laurdag 16.september var det Sunnylven og Geiranger Omsorgssenter sin tur. Dei fekk besøk av henholdsvis Almir og Daniel på trekkspel og fele og Anna Miklashevich og Carolin Eide med song og piano.
Frivilligsentralen var på besøk på Hellesylt og kan rapportere om høg stemning og fengande god musikk!
Vi oppsummerer med orda frå ein av konsertdeltakarane på Stranda: «Ditta va kjekt!» Og vi seier oss heilhjarta einig i det. Takk for musikken! 
Takk også til Møre og Romsdal fylkeskommune for midlar gjennom den Kulturelle Spaserstokk som gjorde det mulig og arrangere konsertane!
Del på:
Flere nyheter
-
Årsmelding for Stranda frivilligsentral 2023
2023 var nok eit år med mykje god aktivitet i Stranda frivilligsentral. Om du er interessert i arbeidet vårt og det vi jobbar med i Stranda kommune, er du hjartleg velkomen til å lese årsmeldinga til Stranda frivilligsentral for 2023.
-
Første frivillig forum i regi av frivilligsentralen
Omlag 50 personar frå 25 organisasjonar deltok på det første Frivillig forumet i regi av Stranda frivilligsentral.
-
GOD JUL!
Frivilligsentralen tek juleferie frå fredag 22.desember til onsdag 3.januar. Ønskjer dykk alle ei riktig god jul og eit godt nytt år!
-
83 gongar rundt jorda i årets Stikk UT!
I sommarens Stikk UT! har 40 000 deltakarar registrert nær 1 million turar. Dei har tilbakelagt 3,3 million km på dei ulike turane, noko som tilsvarar 83 gongar rundt jorda. Og når Stikk UT!-deltakarane i tillegg har lagt bak seg 78 000 høgdekilometer, tilsvarer det nesten 9 000 gongar opp Mount Everest.